Глобална недела на медиумската и информациската писменост 2018

24 – 31 октомври 2018

Македонскиот институт за медиуми, Институтот за комуникациски студии и Самостојниот синдикат на новинари и медиумски работници во рамки на проектот „Писменост за вести и дигитална писменост: Справување со лажни вести“ се приклучуваат на глобалната иницијатива на УНЕСКО и Алијансата на цивилизациите „Глобална недела на медиумска и информациска писменост 2018“.

Во текот на „Глобалната недела на медиумска и информациска писменост 2018“, ќе се организира #FakeNewsWeek во рамки на која ќе се спроведе онлајн кампања за подигање на свеста кај граѓаните за лажните вести, ќе се организираат три обуки за препознавање на лажните вести, тематска средба „ Ај на кафе, во живо“, како и едукативни вебинари.