Информирањето за време на пандемијата на коронавирусот и болеста што ја предизвикува – КОВИД-19, стана сериозен предизвик насекаде во светот. Се соочуваме со здравствена криза без преседан и поради тоа точните и навремени информации денес се поважни од било кога, зашто можат да значат спасување десетици илјади животи.

Дополнителен проблем за информирањето е тоа што во време кога најголем дел од државите имаат прогласено вонредна состојба, новинарите и медиумите се соочуваат со се потешки услови за својата работа, зашто изворите на вести и информации стануваат рестриктивни и ограничени. Како последица, во медиумите особено во онлајн просторот и на социјалните мрежи, присутни се голем број дезинформации за природата и потеклото на вирусот, за начините за борба против болеста, за здравствените статистики, за мерките и одлуките што ги преземаат властите во одделни држави итн.

Инфодемијата, како што Светската здравствена организација (СЗО) ја нарече поплавата од дезинформации за коронавирусот, може да биде исто толку опасна колку и самиот вирус. Од тие причини, партнерите во проектот СТОП ДЕЗИНФОРМАЦИИ чија главна цел е унапредување на писменоста за вести и на дигиталната писменост како и подобрување на вештините и умешноста за препознавање дезинформации во медиумите, одлучија да го преструктуираат својот веб-сајт и да издвојат посебен дел токму за информациите и дезинформациите во врска со КОВИД-19.

Во овој дел од електронската публикација на СТОП ДЕЗИНФОРМАЦИИ ќе бидат поместени блогови од нашите соработници, како и преводи на текстови од странски медиуми поврзани со информирањето и дезинформациите за КОВИД-19, инфографици, квизови за препознавање дезинформации, како и корисни линкови, при што е важно да нагласиме дека станува збор за официјални извори од владини или меѓународни организации и институции, кредибилни медиуми, реномирани универзитети, влијателни граѓански здруженија и невладини организации и сл.

Очекуваме соработка од читателите за збогатување на нашите содржини со нови и интересни прилози, кои почиваат на проверени и точни информации.

БЛОГОВИ

Овде можете да најдете блогови од наши соработници како и преводи од странски медиуми поврзани со информирањето и дезинформациите за КОВИД-19, писменоста за вести и пандемијата, совети како да препознаваме лажни вести за коронавирусот, прилози за образовните практики за време на коронавирусот, корисни алатки за дигитална настава и виртуелна комуникација итн.

ИНФОГРАФИЦИ

НАУЧИ ПОВЕЌЕ ЗА ПИСМЕНОСТ ЗА ВЕСТИ И ЗА ДИГИТАЛНА ПИСМЕНОСТ

КВИЗ

Направивме квиз од вести што ги објавија домашните информативни портали за пандемијата во земјава. Кликни на линкот и дознај дали умееш да препознаеш информација на која може да ѝ се верува и зошто, дали е скриена реклама или пак е коментар, односно став на новинарот.

КОРИСНИ ЛИНКОВИ

ДОМАШНИ ИЗВОРИ

На следните линкови можете да најдете официјални информации за состојбата и последиците од коронавирусот во Македонија, за мерките на Владата за борба против КОВИД-19, транскрипти и видеа од дневните прес-конференции на претставници од надлежните власти, интерактивни мапи итн.

СТРАНСКИ ИЗВОРИ

Во продолжение се линкови од странски извори на официјални информации за коронавирусот, водичи од реномирани новинарски и меѓународни медиумски асоцијации и универзитетски проекти за дезинформациите и КОВИД-19, медиумската писменост и писменоста за вести во време на коронавирусот, текстови во реномирани странски медиуми и сл.